दिल्लीत हिंसाचाराची धग कायम, मृतांचा आकडा सातवर पोहचला
सुधारित नागरिकत्व कायदा(सीएए)वरून काल राजधानी दिल्लीतील काही भागांमध्ये उफाळलेल्या हिंसचारातील मृत्यू झालेल्यांचा आकडा आता सातवर पोहचला आहे. शिवाय, आजही या हिंसाचाराची धग कायम असल्याचे दिसत आहे. अनेक ठिकाणी आज सकाळी देखील आंदोलक रस्त्यावर उतरल्याचे पाहायला मिळाले. तर, ब्रह्मपुरी भागात दगडफेकीची देखील घटना घडली.
मौजपूरसह आसपासच्या भागातून आग लागल्याच्या घटनेची माहिती देण्यासाठी कालरात्रीपासून सकाळपर्यंत पोलिसांना ४५ फोन आले असल्याची माहिती देखील समोर आली आहे. अग्निशमन दलाच्या वाहनांवर देखील दगडफेक करण्यात आली. ज्यामध्ये तीन कर्मचारी देखील जखमी झाले आहेत.
