‘वर्माजी की बेटी’ जगात भारी; १६ व्या वर्षी शफाली नंबर वन!
केवळ १८ सामने खेळून केला धमाकेदार विक्रम
भारताकडून शफालीचा धमाका
टी २० विश्वचषक स्पर्धेत उपांत्य फेरीत पोहोचणारा भारत पहिला संघ ठरला होता. त्यात शफालीचे महत्त्वाचे योगदान होते. प्रत्येक सामन्यात शफालीने धडाकेबाज कामगिरी करत भारताला विजय मिळवून दिला. शफालीने पहिल्या सामन्यात २९, दुसऱ्या सामन्यात ३९, तिसऱ्या सामन्यात ४६ तर चौथ्या सामन्यात ४७ धावा केल्या. यात दोन सामन्यांमध्ये तिने सामनावीराचा किताब पटकावला. त्यामुळे टी २० विश्वचषक स्पर्धेत सध्या ती १६१ गुणांसह तिसऱ्या स्थानी आहे.
शफालीचा टी २० क्रिकेटमधील प्रवास
रोहतकची शफाली हिने अवघ्या सहा महिन्यात टी २० क्रिकेटमध्ये आपले स्थान निर्माण केले. सप्टेंबर २०१९ मध्ये तिने दक्षिण आफ्रिकेविरूद्ध सुरत येथून आंतरराष्ट्रीय टी २० क्रिकेट कारकिर्दीला सुरूवात केली. आतापर्यंत शफालीने १८ टी २० सामन्यात २८ च्या सरासरीने ४८५ धावा केल्या आहेत. तिने १४६.९६ च्या स्ट्राईक रेटने खेळताना २ अर्धशतके झळकावली आहेत.
